Пашпарт замежніка
Даведайцеся пра дакументы, зборы і час для атрымання пашпарту замежніка ў розных краінах.
Паважаныя сябры! Гэтая старонка створана ў сувязі з уступленнем у сілу ўказа № 278 ад 4 верасня 2023 года, які выключае права беларусаў, якія знаходзяцца за мяжой, атрымліваць новыя пашпарты ці прадаўжаць тэрмін дзеяння старых пашпартоў у дыпрадстаўніцтвах.
Iснуе магчымасць атрымаць «Пашпарт замежніка» ў некаторых замежных краінах. На гэтай старонцы мы прапануем Вам спіс дзяржаў, якія прапануюць праграмы па наданні статусу рэзідэнта для замежнікаў. Таксама тут Вы зможаце знайсці дэтальную інструкцыю аб тым, як правільна падаць запыт на атрыманне пашпарта ў гэтых краінах. Мы спадзяемся, што гэтая інфармацыя будзе карыснай для Вас.
Вы можаце даслаць інфармацыю па краіне на help@belarusabroad.org .
Літва
Атрыманне праязнога дакумента замежніка ў Літве
У Літоўскай Рэспубліцы праязны дакумент замежніка можа быць выдадзены пры пэўных умовах.
Падставы для атрымання
Праязны дакумент замежніка выдаецца, калі ў вас ёсць:
- Права на часовае або пастаяннае пражыванне ў Літоўскай Рэспубліцы.
- Адсутнасць сапраўднага праязнога дакумента і аб'ектыўная немагчымасць запытаць такі ў кампетэнтных органах краіны паходжання.
Неабходныя дакументы для падачы ў міграцыйны аддзел
Для падачы хадайніцтва ў міграцыйны аддзел вам спатрэбіцца наступны пакет дакументаў:
- Сапраўдны часовы або пастаянны від на жыхарства.
- Праязны дакумент (пашпарт) з заканчваючымся тэрмінам дзеяння, калі такі маецца.
- Папярэдні праязны дакумент (у выпадку падаўжэння дзеяння), які будзе вернуты міграцыйным органам пасля разгляду.
- Падрабязнае тлумачэнне любых аб'ектыўных прычын, якія перашкаджаюць атрыманню праязнога дакумента ад кампетэнтных органаў краіны паходжання.
- Заява ў міграцыйны аддзел.
Важна: Кожны заяўнік, незалежна ад узросту, падае ўласнае хадайніцтва. Для дзяцей да 18 гадоў праязны дакумент выдаецца пры наяўнасці пісьмовай згоды аднаго з бацькоў.
Зборы
За выдачу праязнога дакумента спаганяецца збор у памеры 38 EUR. У выпадку тэрміновай выдачы або падаўжэння на працягу 5 працоўных дзён збор складае 53 EUR.
Тэрміны разгляду і дзеяння
Рашэнне па хадайніцтве прымаецца на працягу 5 працоўных дзён з даты атрымання заявы міграцыйным аддзелам. Калі хадайніцтва задаволена, дакумент выдаецца не пазней за 30 працоўных дзён з даты атрымання міграцыйным аддзелам усіх неабходных дакументаў.
Пашпарт замежніка выдаецца на тэрмін ад 3 месяцаў да 5 гадоў. Максімальны тэрмін дзеяння залежыць ад тэрміну дзеяння вашага часовага або пастаяннага віду на жыхарства.