pashpart.org

Міжнародная ахова

Даведайцеся пра працэс, крытэрыі і правы пры пошуку прытулку і абароны.

Агульнае

Інфармацыя

Працэдура атрымання міжнароднай аховы

Што такое Дублінская праверка

Аўстрыя
Балгарыя
Бельгія
Вялікабрытанія

Славенія

Атрыманне міжнароднай абароны ў Славеніі

Падача заявы

Запыт на міжнародную абарону падаецца ў паліцыі ці ва Урадзе па мігрантах. На першай размове высвятляюць асобу, шлях прыбыцця ў Славенію, легальнасць знаходжання ў ЕС, абгрунтаванасць заявы. Пры патрэбе замежніку прапануюць размяшчэнне ў доме для бежанцаў (Azilni dom), медычную дапамогу, харчаванне.

Статус суіскальніка міжнароднай абароны

Пасля паспяховага праходжання інтэрв'ю замежнік атрымлівае статус "просьбіта міжнароднай абароны" і картку, якая служыць пасведчаннем асобы на тэрыторыі Славеніі. Выезд за мяжу не дазваляецца. Пашпарт, як правіла, канфіскоўваецца для праверкі на 2-3 месяцы. Выключэнні робяцца для тых, хто мае ў Славеніі часовы ці пастаянны дазвол на жыхарства і ўжо праходзіў праверку службы бяспекі Славеніі.

Суіскальнікі могуць жыць у азільным доме, дзе яны атрымліваюць харчаванне і мінімальныя кішэнныя грошы. Можна самастойна знайсці жытло і атрымаць невялікую кампенсацыю, калі даход ніжэй мінімальнага (каля 460 еўра на месяц на асобу). Ніякай іншай дапамогі суіскальнікам не выплачваецца. Права на працу можна атрымаць пасля 6 месяцаў разгляду справы.

Разгляд справы

Па законе разгляд справы не павінен перавышаць 6 месяцаў, але з-за наплыву бежанцаў з Украіны і нелегальных мігрантаў разгляд можа доўжыцца больш за год. Славенія выдае 130-200 статусаў міжнароднай абароны на год, ёсць адзін пазітыўны кейс грамадзяніна Беларусі.

Пры адмове можна накіраваць апеляцыю ў суд. Юрыдычную дапамогу могуць аказаць адвакаты і недзяржаўныя арганізацыі.

Атрыманне статусу бежанца

Атрыманне статусу бежанца ў Славеніі дае права на пастаяннае пражыванне, працу, адукацыю, медычную ахову. Праграма інтэграцыі прадугледжвае вывучэнне мовы і год пражывання ў інтэграцыйным доме. Дапамогі для бежанцаў няма, акрамя кампенсацыі за арэнду жытла, калі даход ніжэйшы за мінімальны.

Карысная інфармацыя: